VIH/sida, Mecano, Madrid e a perdiz

> Onte rematou #movember.

> Hoxe é o Día Mundial do Sida (contra o, claro, que non é que o celebremos, precisamente).

> Mañá pasará outro ano.

E en toda esta voráxine de experiencias e sensacións que se me acumulan, vénme á mente, veume esta mañá, unha canción de Mecano que non me abandonou durante toda a xornada. Pero isto cóntocho outro día (non o esquezas!).

Agora, logo de estar todo un mes insistindo na concienciación e revisión da saúde masculina, coido que é, como pouco, xusto adicarlle uns minutos a unha enfermidade máis silenciosa se cabe e da que cada día, por desgraza, temos que saber que nos segue a axexar sen cura nin vacina.

VIH/sida. Datos de España correspondentes ó 2016:

En 2016 se han diagnosticado 607 nuevos casos de VIH/sida. A taxa de sida foi nese ano de 1,8 casos por cada 100.000 habitantes e o 80,8% dos diagnosticados foron homes dunha media de 44 anos.

O 36,2% das persoas infectadas, foron por relacións heterosexuais.

O 32,0% dos casos corresponden a HSH*, o 39,6% dos casos en homes.

O 12,6% dos infectados no 2016 foron PID*.

Con estes datos xa deberías deducir que tendo en conta que, falando dunha enfermidade sen cura contra cuxa infección podemos pór medios e a estas alturas da película, é unha cifra bastante importante.

É tanto así, que malia que é certo que dende o seu punto máis alto a mediados dos anos 90, estas cifras descenderon enormemente, nos últimos anos iste descenso foi freando e na comparatia do 2015 ó 2016, incluso, houbo comunidades nas que os casos de infectados por VIH/sida aumentaron (Baleares, Canarias, País Vasco, Aragón e Comunidade Valenciá).

Castela e León tivo os mesmos novos casos en ámbolos dous anos e o resto das comunidades conseguiron reducir iste dato.

Chámame especialmente a atención a Comunidade de Madrid, cun descenso de novos casos de infeccción por VIH/sida de máis do 50%. Indagarei sobre as causas diste dato de relevancia.

VIH/SIDA - NON + DISCRIMINACIÓN - ALEXITIMIC

Cabe destacar ademais, que os nosos datos (os dos españois), son os máis altos de Europa, algo que probablemente poida relacionarse con que o 33,5% dos novos casos de sida en España no 2016 corresponderon a persoas con orixe en países distintos de España (29,7% delas orixinarias de Latinoamérica e 25,3% de África Subsahariana).

Pero máis preocupante paréceme que o 46% das persoas diagnosticadas de infección por primeira vez no 2016, presentaba diagnóstico tardío.

Iste dato é tremendo. Se facemos caso á Cruz Vermella, a detección do VIH/sida tarda unha media de 7 anos dende a infección da persoa diagnosticada.

Durante ises 7 anos estas persoas, sen sabelo, poden continuar a propagar a enfermidade a outras persoas que pode que acaben facendo o mesmo.

Por iso é de vital importancia realizar pruebas diagnósticas se se manteñen relacións de risco, que en España, o diagnóstico é gratuito e confidencial pra todos.

E como non sería eu sen entrar nos baixos fondos das persoas un chisquiño, coido que se trato de me pór no sitio dunha persoa que remate por coñecer a súa situación, unha das primeiras cousas, se non a primeira, que pasaría pola miña cabeza, sería “e agora, como digo eu isto?”.

Coido que o VIH/sida está altamente estigmatizado aínda na sociedade española e tamén que esta situación é en parte a culpable de boa parte dises diagnósticos tardíos dos que che falaba.

Que unha persoa á que acaban de lle dicir que padece unha enfermidade crónica grave, coa que vivirá pero con condicións, teña que sobrecargarse a pensar como reaccionará o resto, é moi triste.

E é que cando alguén che di que sofre diabetes (por nomear outra enfermidade crónica e que pode ser moi grave) ou un cancro, tes claro que na persoa que hai ante os teu ollos só hai unha vítima. Pensas o mesmo cando te enteras de que alguén ten VIH/sida? Anímote a deixar un comentario, interésame moito!

 

En definitiva:

Non corras riscos, non é preciso.

E se non o fas, acode ós centros médicos e sociais que temos por todo o país. Non teñas medo, non teñas vergoña. Ó cabo, vai ser peor agardar a sufrir as súas consecuencias. Só vas aprazar o momento e ademais con moi poucas oportunidades, mentres ó comezo telas todas.

Céntrate en ser feliz. O que digan os demais non che importa e ti si. Moito. Todo.

VIH/SIDA - LOITA POLO TEU MUNDO - ALEXITIMIC

 

HSH: Homes que teñen sexo con homes

PID: Persoas que se inxectan drogas

VIH: Virus de inmunodeficiencia humana

SIDA: Síndrome de inmunodeficiencia adquirida

 

Todos os datos dos que falo foron obtidos da CruzVermella e do Ministerio de Sanidade, Servizos Sociais e Igualdade.

Bonus: Como hai moitísimos máis datos, comparativas e conclusións das que eu che trouxen acó (e aínda así quedoume longo o post), déixoche o PDF do informe completo de vixiancia epidemiolóxica en España 2016 actualizado ó 30 de xuño do 2017, que o MSSSI publicou, canda o Instituto de Saúde Carlos III, iste mesmo mes de novembro

 

Ver más

> deixa un comentario

Mira también
Close
Back to top button